الجواب بيبان من الخط اللى مكتوب بيه العنوان بصراحة
افكارك صوتها وحش لو منك مصدقهاش
تجربتك مش مميزة يالا الناس كلها بتعدى فى نفس الحاجات مفيش حاجة اوريجينال اعملى قهوة من البن بتاعى اللى اى حد يقدر يجيبه
الحاجة الوحيدة اللى ينفع تبقى تحت السيطرة هى رغبتك فى انك تسيطر
فى عد تنازلى فى دماغك لحد ما توصل لاى حاجة عايزها وبعد ما بتوصلها بيبقى عد تنازلى للحاجة دى هتروح امتى..سيب التايمر وعيش اللحظة وسوق انت الميكروباص ولم الأجرة وشغلنا حاجة نسمعها
لما بتضحك على مخك وتعمل ناصح وتشغل نفسك بحاجات عشان متقعدش مع نفسك وتفكر مخك بيستنصح هو كمان وبيتفق مع جسمك عليك وبيستنوك فى وقت مش مناسب ويقلعوك المناعة ويجروا
معظم احباط الانسان بييجى بسبب ان باقى الناس بشر عاديين باقى الاحباط بيحصل اما يكتشف ان هو كمان كدة
لو ليا خاطر عندك تقدر ترجعهولى فلوس
كله ماشى بطوبة كبيرة على ضهره ..ويبقى حظه حلو لو الطوبة لايقة مع هدومه
الانترنت كل يومين بيعرفنى على مرض نفسى جديد ابتديت اشك انى اعرف اعمل مرض جديد لو اصريت